دپوهنتون په اړه

د افغانستان اسلامي امارت

لــوړو زده کــړو وزارت

پکتیکـــا پـوهـــنتون

تاریخچه:

پکتیکا پوهنتون په ۱۳۹۱ هجري لمریز کال کې د ښوونې او روزنې پوهنځي په درلودلو سره تأسیس شوی دی او اوس مهال د شپږو پوهنځیو ښوونې او روزنې، زراعت، اقتصاد، انجنیري، شرعیاتو او وترنري پوهنځيو لرونکی دی، چې ځوان، ژمن او مسلکي کاري ځواک ټولنې ته وړاندې کوي.

لیدلوری:

پکتیکا لوړو زده کړو مؤسسه به په نژدې راتلونکي کې د اسلامي او ملي ارزښتونو په رڼا کې د پوه، متعهد او متخصصو افرادو په روزلو سره د هېواد په کچه مخکښ او با کیفیته پوهنتون وي.

ماموریت:

پکتیکا لوړو زده کړو مؤسسه د اکاډمیک چاپېریال په لرلو سره د اسلامي او ملي ارزښتونو په رڼا کې د ټولنې د اړتیا مطابق په ملي کچه سیال او با کیفیته تدریس، تحقیق او خدمات وړاندې کوي.

ارزښتونه:

 حساب ورکــوونه؛

 د ملي یووالي ټینګښت؛

 باکیفیته لـوړې زده کـړې؛

 اخـلاق، عدالت اوکرامـت؛

 ژمنتیا او د مسؤلیت احساس؛

 سالمه اداره، اغېزمنتوب اوګټورتوب؛

 د همکارۍ او همغږۍ پیاوړې روحیه؛

 ټولو اسـلامي او ملي ارزښـتونو ته ژمنتیا؛

 د ټولو ملي قوانینو او مقرراتو په پام کې نیول.

موخې:

له مؤسسې څخه پوهنتون ته ارتقا کول؛
د عایداتي سرچینو او عوایدو زیاتوالی؛
د HEMIS سیستم سل فیصده تطبیقول؛
علمي څېړنو او مطالعاتو ته سل فیصده وده ورکول؛
د الکترونیکي زده کړو او پرمختللي نصاب تطبیق کول؛
د کادري او اداري کارکوونکو ظرفیت او مهارتونه لوړول؛
د علمي کادر غړو د دوکتورا کچه (۲۲) فیصده ته لوړول؛
ښه حکومتولۍ، اداري اصلاحات او د فساد مخنیوی کول؛
لوړو زده کړو ته عادلانه لاس رسی او د محصلانو د خدماتو وده؛
له لوړو زده کړو وزارت څخه د کیفیت لوړاوي باور پاڼې ترلاسه کول؛
د (۱۳) بېلابېلو ودانیو جوړول او زیربنائي جوړښتونو ته پراختیا ورکول؛
د سيمې اړتیاوو ته په کتنې سره د (۳) پوهنځيو او (۸) څانګو ایجادول؛
لږ تر لږه له (۱۰) ملي پوهنتونونو او (۲) نړیوالو پوهنتونونو سره دهمکارۍ تفاهمنامې لاسلیکول.

امکانات:

په الکترونیکي تجهیزاتو سمبال درسي ټولګي؛
د مسلکي پرمختیا او رواني مشاورې مرکزونه؛
د اوبو، برېښنا او انټرنیټ کافي امکانات؛
کمپیوترلیب او مجهز لابراتوارونه؛
د غونډو تالار او کتابتون؛
څېړنیز فارمونه ؛

دپوهنتون ټول پوهنځی

ښوونه او

روزنه

زراعت

انجنيري

اقتصاد

شرعیات

وترنري